09 Ноември, 2026 0.0356
Маркетинг（https://faktor.mk/assets/FAKTOR-CENOVNIK-2026.pdf）
|
Импресум（https://faktor.mk/impresum）
|
Контакт
Економија（https://faktor.mk/ekonomija）
Финансии（https://faktor.mk/finansii）
Македонија（https://faktor.mk/makedonija）
Агробизнис（https://faktor.mk/agrobiznis）
Анализа（https://faktor.mk/analiza）
Мои пари（https://faktor.mk/moi-pari）
Балкан（https://faktor.mk/balkan）
Свет（https://faktor.mk/svet）
Стил（https://faktor.mk/stil）
Колумни（https://faktor.mk/kolumni）
Интервјуа（https://faktor.mk/intevjua）
Search
Нови промени во Законот за градење: Потребното искуство за архитекти и градежни инженери се намалува од две на една година
Објавено во: Македонија（https://faktor.mk/makedonija） 09 Ноември, 2026 07:50
tweet（https://twitter.com/share）
Добивај вести на Viber（https://invite.viber.com/?g2=AQBNhJv5Vr22yU8%2F4uQ%2BBGWvRMFdDz6Wpt9nwFpJdAWq5lr8h0KyPmnbdNbOaQDa）
Владата предлага измени на Законот за градење со кои се намалува потребното работно искуство за одредени архитекти и градежни инженери од две на една година. Покрај ова, се предвидуваат нови правила за изградба на соларни централи и други енергетски објекти, градежни зафати на археолошки локалитети, изградба на патишта и реконструкција на државни објекти.
Предложените измени се поднесени од Владата до Собранието, со предлог да бидат донесени по скратена постапка. Во образложението се наведува дека целта е да се поедностават и подобрат постапките за издавање градежни дозволи, како и да се уредат одредени прашања поврзани со изградбата и реконструкцијата на објекти.
Една од поважните измени се однесува на дипломираните архитекти и градежни инженери кои работат во надлежните институции и учествуваат во постапките за издавање градежни дозволи за објекти од прва категорија.
Според предложеното решение, тие ќе можат со најмалку една година соодветно работно искуство да вршат заверка на основните проекти, за што досега се бараа најмалку две години.
Во постојниот закон е наведено
„За градбите од прва категорија од членот 57 од овој закон, службените лица од ставот (1) на овој член треба да имаат работно искуство од најмалку две години во постапки за издавање на одобренија за градење на градби од прва или втора категорија од членот 57 на овој закон или да имаат овластување за проектирање или овластување за ревизија на проектна документација за градби од прва или втора категорија од членот 57 на овој закон.“
Со предложената измена, во оваа одредба зборовите „две години“ се заменуваат со „една година“ . На тој начин се олеснуваат условите за службените лица кои работат на градежните дозволи, додека условите за стекнување професионални инженерски овластувања остануваат непроменети.
Промени се предлагаат и за изградбата на соларни централи, електрани, топлани и објекти за складирање електрична енергија. За добивање градежна дозвола ќе биде потребно известување од Министерството за енергетика дека проектот е вклучен во важечкиот годишен план за изградба на енергетски објекти.
Во предложените измени стои
„Доколку е поднесено барање за одобрение за градење за градби за производство на електрична и топлинска енергија и складишта на електрична енергија, покрај доказите од ставот (2) на овој член, се доставува и известување од Министерството за енергетика, рударство и минерални суровини дека енергетскиот објект е опфатен со важечки Годишен план за изградба на енергетски објекти, согласно со одредбите од Законот за енергетика“.
За поголемите енергетски и инфраструктурни проекти се предвидува можност завршените делови од објектот да добијат посебна дозвола за употреба, доколку можат самостојно да функционираат. Така, дел од електрана ќе може да почне да се користи додека продолжува изградбата на преостанатите делови.
Посебни измени се однесуваат на археолошките локалитети, спомениците на културата и другите заштитени објекти. Кога државата, општините или јавните претпријатија ќе поставуваат огради, настрешници или пешачки патеки во рамки на споменик или споменичка целина за која нема урбанистички план, постапките ќе се спроведуваат според Законот за заштита на културното наследство.
Слично решение се предвидува и за реконструкции и приспособувања на одредени заштитени објекти, вклучувајќи верски градби и археолошки локалитети, кога инвеститори се државни или општински институции.
Со измените се предвидува и Министерството за внатрешни работи да врши увид во проектната документација при изградба на државни и општински патишта, со цел да се спречи оштетување на подземната инфраструктура.
Дополнително, се уредуваат постапките за брани со акумулации, изградба во индустриските зони, како и можноста дополнителните работи изведени при реконструкција на државни и јавни објекти да се евидентираат во Катастарот со соодветна документација. За последната постапка е предвиден рок од 90 дена од влегувањето во сила на законот.
Предлог-законот содржи 13 члена, а Владата во образложението наведува дека за неговото спроведување нема да бидат потребни дополнителни средства од државниот буџет. Предвидено е измените да стапат во сила со објавувањето во „Службен весник“, доколку бидат усвоени од Собранието.
Ф.К.
tweet（https://twitter.com/share）
Можеби ќе ве интересира
„Град на контрасти и неверојатен шарм“: Хрватски медиум го препорачува Скопје како дестинација што мора да се посети（https://faktor.mk/grad-na-kontrasti-i-neverojaten-sharm-hrvatski-medium-go-preporachuva-skopje-kako-destinacija-shto-mora-da-se-poseti）
„Град на контрасти и неверојатен шарм“: Хрватски медиум го препорачува Скопје како дестинација што мора да се посети
Нови правила за боледување од 1 декември: по петтиот ден дополнителни медицински услови, лекарите бараат појаснувања（https://faktor.mk/novi-pravila-za-boleduvanje-od-1-dekemvri-po-pettiot-den-dopolnitelni-medicinski-uslovi-lekarite-baraat-pojasnuvanja）
Нови правила за боледување од 1 декември: по петтиот ден дополнителни медицински услови, лекарите бараат појаснувања
Од вторник пролетни температури во Македонија: Ќе се затопли до 20 степени, можна е и сахарска прашина（https://faktor.mk/od-vtornik-proletni-temperaturi-vo-makedonija-kje-se-zatopli-do-20-stepeni-mozna-e-i-saharska-prashina）