09 Ноември, 2026 0.0461
Маркетинг（https://faktor.mk/assets/FAKTOR-CENOVNIK-2026.pdf）
|
Импресум（https://faktor.mk/impresum）
|
Контакт
Економија（https://faktor.mk/ekonomija）
Финансии（https://faktor.mk/finansii）
Македонија（https://faktor.mk/makedonija）
Агробизнис（https://faktor.mk/agrobiznis）
Анализа（https://faktor.mk/analiza）
Мои пари（https://faktor.mk/moi-pari）
Балкан（https://faktor.mk/balkan）
Свет（https://faktor.mk/svet）
Стил（https://faktor.mk/stil）
Колумни（https://faktor.mk/kolumni）
Интервјуа（https://faktor.mk/intevjua）
Search
НЕКАДЕ ИМА ПРАВИЛА ЗА ОБЛЕКУВАЊЕ, А НЕКАДЕ НЕ: Колку пари троши работникот за гардероба?
Објавено во: Економија（https://faktor.mk/ekonomija） 09 Ноември, 2026 07:55
tweet（https://twitter.com/share）
Добивај вести на Viber（https://invite.viber.com/?g2=AQBNhJv5Vr22yU8%2F4uQ%2BBGWvRMFdDz6Wpt9nwFpJdAWq5lr8h0KyPmnbdNbOaQDa）
Работниците трошат најмалку една своја плата годишно за да набават облека која ќе ја носат на работа. Ова го тврдат самите работници кои ги анкетиравме, но и од бутиците го делат истото мислење. На некои работни места има правила за облекување, а некаде работниците имаат слобода да се облекуваат како сакаат. Дел од луѓето на работа мораат да одат во пантолони, кошула и сако или да носат здолниште, кошула и сако.
„Не верувам дека една просечна плата на годишно ниво ќе им стигне на работниците за облека. Сигурно ќе им требаат 1.000 евра. Јас сум во адвокатска канцеларија, во петок можеме да носиме фармерки, патики, но другите денови мора да бидеме поинаку облечени, мора да изгледаме пристојно, со кошули, сако, чевли“, вели млада девојка која работи во адвокатска канцеларија.
Луѓето кои работат со клиенти обично имаат формален кодекс на облекување.
„Ги гледам луѓето кои работат во банки, во администрација, во адвокатски, нотарски канцеларии и облеката што ја носат воопшто не е евтина. Мислам дека најмалку 50 евра секој месец ќе трошат и дали воопшто ќе им стигнат тие пари. Според мене, работникот ќе потроши една до две плати годишно за облека, а ако некој сака или работата така налага, секако ќе потроши и повеќе“, кажа Ана Петровска, граѓанка.
Бидејќи обувките го комплетираат деловниот изглед и за нив постојат специфични правила и често е дефинирано и во кои бои треба да бидат.
„Зависи од потребите, работникот може да одвои две или три плати. Јас каде што сум работела ми било дозволено да бидам облечена како што сакам. Сум трошела некогаш повеќе, некогаш помалку, но многу зависи и од фирмата, од секторот во кој работи работникот“, кажа Габи Спасовска, граѓанка.
Од продавница за обувки во Битола велат дека еден работник има потреба од неколку типа на обувки за различни сезони во годината и додаваат дека ако некој сака да помине поевтино, ќе треба да одвои 10.000 денари, а оние кои сакаат поквалитетни, кожени обувки ќе треба да потрошат двојно повеќе пари. Оттаму објаснуваат дека голем број жени за на работа купуваат салонки.
„Секој различно си го планира буџетот. Годишно според мое видување работниците плата ипол до две ќе потрошат за облека. И јас не би потрошила повеќе. Има луѓе кои сакаат да се средени без разлика каде работат, но има и обратни случаи. Зависи и до луѓето, сѐ е тоа индивидуално“, додаваат од скопски бутик.
Во многу земји има интересни податоци на оваа тема. Едно истражување од 2013 година направено во Обединетото Кралство покажа дека жените во бизнис-секторот трошат речиси 20 отсто од својата плата за облека.
Бизнис Инсајдер во 2018 година објави текст во кој пишува дека општо правило е дека месечниот буџет за облека не би требало да надминува 5 отсто од приходот. Но, има и анализи кои укажуваат дека жените за разлика од мажите трошат повеќе пари за купување облека за на работа.
Сања Атанасовска
foto Gemini
tweet（https://twitter.com/share）
Можеби ќе ве интересира
Од полноќ бензините поевтинуваат за седум денари, дизелот за 5,5 – РКЕ ги објави новите цени（https://faktor.mk/od-polnokj-benzinite-poevtinuvaat-za-sedum-denari-dizelot-za-55--rke-gi-objavi-novite-ceni）
Од полноќ бензините поевтинуваат за седум денари, дизелот за 5,5 – РКЕ ги објави новите цени
Се намалува бројот на одобренија за градење, но се планираат 919 нови станови: Најмногу ќе се гради во Скопскиот и Полошкиот Регион（https://faktor.mk/se-namaluva-brojot-na-odobrenija-za-gradenje-no-se-planiraat-919-novi-stanovi-najmnogu-kje-se-gradi-vo-skopskiot-i-poloshkiot-region）
Се намалува бројот на одобренија за градење, но се планираат 919 нови станови: Најмногу ќе се гради во Скопскиот и Полошкиот Регион
Животот повторно поскапува: Храната, облеката и сметките со повисоки цени, инфлацијата достигна 3,3 отсто（https://faktor.mk/zivotot-povtorno-poskapuva-hranata-oblekata-i-smetkite-so-povisoki-ceni-inflacijata-dostigna-33-otsto）
Животот повторно поскапува: Храната, облеката и сметките со повисоки цени, инфлацијата достигна 3,3 отсто
Кина донесе голема одлука за американските производи, царините од 24 отсто остануваат суспендирани（https://faktor.mk/kina-donese-golema-odluka-za-amerikanskite-proizvodi-carinite-od-24-otsto-ostanuvaat-suspendirani）
Кина донесе голема одлука за американските производи, царините од 24 отсто остануваат суспендирани
Измина рокот од три дена: Мицкоски најави аукција за Алта банка Битола до крајот на ноември（https://faktor.mk/izmina-rokot-od-tri-dena-mickoski-najavi-aukcija-za-alta-banka-bitola-do-krajot-na-noemvri）