A Drought Yellow Alert is currently in effect for Niue. For the latest updates and information, please visit the Notice Board sections on the Niue Met Service and Niue Disaster Management pages.
Government（https://www.gov.nu/government）
Government（https://www.gov.nu/government）
Cabinet（https://www.gov.nu/premier-and-cabinet）
Agencies（https://www.gov.nu/agencies）
Media（https://www.gov.nu/media-releases）
Media Releases（https://www.gov.nu/media-releases）
Media Resources（https://www.gov.nu/media-resources）
Information（https://www.gov.nu/information）
Our History（https://www.gov.nu/our-history）
Legislation（https://www.gov.nu/information）
Strategies and Initiatives（https://www.gov.nu/strategies-and-initiatives）
Projects（https://www.gov.nu/projects）
Public Seal of Niue（https://www.gov.nu/information#public-seal）
Public Service Circular（https://www.gov.nu/media-releases/public-service-circulars）
Arrival Cards（https://www.gov.nu/niue-passenger-arrival-form）
Vacancies（https://www.gov.nu/vacancies）
Niue Honours Awards（https://www.gov.nu/niue-honours-awards）
Departure Form（https://www.gov.nu/passenger-departure-form）
Gazette Notices（https://www.gov.nu/gazette）
Notice Board（https://www.gov.nu/notice-board）
Contact（https://www.gov.nu/contact）
Announcements
Tue, Oct 20, 2026
Tau Fakamailoga 2026
Kua fiafia lahi e Fakatufono Niue ke tuku atu e tau higoa ha lautolu e tau lilifu kua moua e tau fakamailoga ke fakamanatu aki e Tuaga 52 Tau he Fakatufono Pule Tonuhia he motu ko Niue. Ko e tau Fakamailoga Mahuiga nai kua mailoga a lautolu e tau lilifu ne kua leva hololoa e tau fekafekauaga ke he motu nai, takitakiaga, gahua nakai fai totogi mo e foaki e tau malolō ma e atihakeaga he moui olaola he tau tagata Niue, kua tukumalele mo e fakatuleva ma e motu.
FAKAMAILOGA TU TOKOLUGA
Lilifu Hon EkePulotu Dr Halene Kupa Magatogia
Molea e 50 tau tau he gahua e EkePulotu Dr Magatogia ma e motu nai, ke he faahi Fakaako, Fakatufono, fakaEkalesia pihia mo e atihakeaga he maaga.Ko ia e uluaki Ulu Faiaoga he Aoga Ikiiki Monū, ti hokotia foki a ia ko e Ulu Fakatonu he Faahi Fakaako, takitaki e ia e potaaga fakalataha he tau Aoga Ikiiki he tau maaga ke taha ni e Aoga Ikiiki he motu nai. Hoko foki a ia ko e Ekepule ke he lima e tolu-tau kamata mai he 2005-2020, hokotia foki a ia ko e Ikipule pihia ko e Ikipule Lagomatai. Haana tau gahua noa nakai fai fakatautonu; ko ia ne tamata e liu fakafoou he Aoga Lialagi, tamata e Taoke Prints pihia mo e tau Fale Taoke mo e tau omoiaga malolō ma e fakaakoaga he tau fanau ikiiki to oatu ke he Vahega 1 he Aoga Ikiiki ha Niue. Ko ia ko e Tiakono mo e Fakamatala Kupu he Ekalesia Kerisiano Lakepa ke he loga e tau tau ti hoko mai ke he aho nai. Tau 2023, kua moua e ia e Fakamailoga Tokoluga he Aoga Pulotu St Clements ko e Doctor of Humanities. Ko e fakamailoga nai kua o moi fakalahi ki ai e tau takitaki mai he Fakatufono, Faahi Fakaako mo e Ekalesia maopoopo.
Ko e aho nai, kua fakalilifu atu ki a ia ke he Fakamailoga Tu Tokoluga ke mailoga e alito he haana tau gahua mo e fekafekauaga ma e motu mo e tau tagata oti a Niue.
TAU FAKAMAILOGA MA E FAAHI GAHUA FAKATUFONO
Dr Asu Pulu
Fekafekau a Dr Pulu ke he Fakatufono ke he 42 e tau tau he katoa, kamata mai he 1968 ke he 2010. Kamata mua haana gahua ke he Faahi To Akau to finatu a ia he tau fakaakoaga ke he Aoga Pulotu Ako Ekekafo ki Fisi. Fakakatoatoa haana tau fakaakoaga moua e ia e Fakamailoga tokoluga he Faahi Taute Nifo he 1976 pihia ke he ua e Pine Aulo ha ko e haana pulotu, Iloilo mo e lotomatala. Tau 1984, moua e ia e Fakamailoga Kautū ko e Diploma he Faahi Dental Public Health mai he Aoga Pulotu Sydney. Ke he hololoa he haana moui gahua ke he Faahi Malolō Tino, ko e Takitaki Lahi he Faahi Taute Nifo mo e Hagai Ulu Fakatonu he Faahi Malolō Tino. Loga foki e tau Fonoaga he Faahi Malolō Tino ne hukui e ia a Niue. Ko e haana fakamakamaka ke fakamahomoatu e faahi taute nifo he motu kua monuina ai e tokologa he tau atuhau he motu ko Niue.
Ko e aho nai, kua fakalilifu atu ki a Dr Asu Pulu ke he Fakamailoga Faahi Gahua Fakatufono ke mailoga e alito he haana tau gahua mo e fekafekauaga ma e motu mo e tau tagata oti a Niue.
Reverend Mokafoaki Jessop Togakilo
Kua molea e 60 e tau tau ne fekafekau a Rev Moka Togakilo ke he motu nai, ke he faahi Fakaako, moui Akoako ke he Ekalesia, atihakeaga he tau maaga ti pihia mo e fakatumauaga he tau aga fakamotu. Ko ia ko e Faiaoga mo e Takitaki ke he taha Faahi Tohi Fakaako he Aoga Tokoluga, kua lagomatai a ia ke fakafoliga mo e fakaohooho e atuhau tupuhake to tuku atu 15 e tau tau ko e Ulumotua pihia ko e Akoako he Ekalesia Toi.